Ardon Jashari është alfa dhe omega e skuadrës belge, Club Brugge.
Jashari është i grumbulluar te kombëtarja e Zvicrës për ndeshjet miqësore.
“Ardon Jashari ka pushtuar futbollin evropian në sezonin e tij të parë jashtë vendit.
Mesfushori 22-vjeçar i ka dhënë trajnerit të ekipit kombëtar Murat Yakin argumente më shumë se të mjaftueshme për ta bindur atë të gjejë një zgjidhje për ta integruar në formacionin titullar”, ka shkruar mes të tjera mediumi zviceran “Blick”.
Jashari pritet të paraqitet në miqësoren e së shtunës kundër Meksikës.
“Plani kryesor: një mesfushë super e ekipit kombëtar e përbërë nga kapiteni Granit Xhaka, Remo Freuler dhe Ardon Jashari” , shkruan më tej.
“Ardoni mund të vendoset kudo në mesfushën qendrore. Ai gjithashtu ka një instinkt të fortë sulmues dhe bën vrapime në zonën e penalltisë së kundërshtarit. Në të njëjtën kohë, ai gjithashtu kënaqet duke luajtur pasimin e fundit.
Mund ta imagjinoj mirë të luaj me Granitin, Remon dhe Ardonin në qendër”, konfirmon selektori i Zvicrës, Murat Yakin.
