Gazetari Gerti Carcani ka folur në emisionin Real Story.
Ai ka diskutuar sa i përket ndeshjes Shqipëri-Serbi e mbyllur në shifrat 0:0 në Air Albania.
Një organizim perfekt nga ana e Shqipërisë që e mbyll takimin me 0 incidiente të ndodhura, ndërsa tani diskutimi ka kaluar nëse edhe në Serbi do të bëjnë të njëjtën mikëpritje apo do të përsërisin skenën e Beogradit.
“Jemi 11 vite më pas nga 2014 dhe ajo ndeshje ka lënë shenjë të madhe, ngjarja e Beogradit.
Nga ana tjetër Shqipëria i ka dhënë dy herë provat, në Elbasan me serbët dhe tani në Air Albania.
Kemi dhënë dy herë provat dhe nuk ka për të ndodhur e njëjta gjë në Serbi. Mos të harrojmë se situata nuk është e njëjtë, tani presidenti i FSHF është zëvendëspresident i UEFA-s, nuk e injorojmë dhe e anashkalojmë këtë fakt.
Pra ti erdhe, të pritëm, na falenderove dhe unë mendoj se Federata Serbe do të marrë masat në 100 për qind që të mos ketë asnjë lloj problemi atje sepse ndryshe, do të ndëshkohen rëndë”, tha Carcani.
