Një ngjarje e pabesueshme ka ndodhur sot në Botërorin e Klubeve, gjatë ndeshjes mes Benfikës dhe Okland Siti. Protagonisti i momentit që ka pushtuar rrjetin është mesfushori kinez i Okland, Zhou Tong, i cili refuzoi të dilte nga fusha e lojës pas një dëmtimi.
Ai mori një goditje me top në kokë në fundin e pjesës së parë dhe shpërtheu në protesta sapo pa mjekun e skuadrës teksa bënte shenjë nga stoli se duhej zëvendësuar.
Lojtari u tërbua menjëherë me reagimin e tij duke iu hakërryer mjekut me fjalët në anglisht “no change” (jo zëvendësim).
Një protestë që filloi ashpërsisht, për t’u kthyer më pas në lutje ndaj mjekut që të vazhdonte të paktën pjesën e parë deri në fund, duke u ulur edhe në gjunjë para tij.
Gjë që funksionoi pasi ai u kthye në fushë dhe mbaroi minutat e mbetura të saj.
