Nuk ka histori gjysmëfinalja e dytë e Kampionatit Europian Under 19, që u transmetua drejtpërdrejt në RTSH Sport. Holanda dominon sfidën kundër vendasve të Rumanisë, fiton 3-1 ndeshje dhe kualifikohet në finalen e madhe të 26 qershorit, ku përballë do të ketë kampionët në fuqi të Spanjës.
“Tulipanët” mbyllin në avantazh të dyfishtë 2-0 pjesën e parë, ndërsa me fillimin e pjesës së dytë shënojnë edhe golin e tretë. Rumania mundohet të reagojë dhe shënon golin e nderit me Barbu.
Holanda kualifikohet në finalen e madhe të Kampionatit Europian Under 19 ku e pret Spanja, sfidë që do të zhvillohet të enjten në mbrëmje dhe do të transmetohet drejtpërdrejt në RTSH Sport.
