Është koha për ndeshje miqësore. Skuadrat shqiptare, të impenjuara me fazën përgatitore, kanë zbritur sot në fushën e lojës për të treguar veten në ndeshje miqësore.
Skuadra kampione e Shqipërisë, Egnatia ka kaluar me sukses testin përballë bullgarëve të CSKA 1948, në ndeshjen e luajtur në Bansko duke fituar me rezultatin 2-0. Golat u shënuan nga Lushkja dhe Ndreca.
4-1 është fitorja e Dinamos përballë Ballkanit në ndeshjen e luajtur në Ohër. Për blutë shënuan Itodo (dy gola), Nani dhe Bregu.
Fitore e pastër për Partizanit, 3-0 përballë Rabotnicki në miqësoren e luajtur në Strugë. Golat u shënuan nga Keko (pen.) 20′, Skuka 25′ dhe Garcia 87′.
Humbje për Vllazninë në miqësoren e luajtur në Slloveni, 5-3 përballë FC Koper. Golat për shkodranët u shënuan nga Yago, Dodaj e Gruda.
