Nigeriani Amos Dadet është përforcimi më i ri i skuadrës Prishtina e Re, e cila në sezonin 2025/26 do të debutoj në Superligën e Kosovës në futboll.
Mesfushori defensiv, është zyrtarizuar të enjten te Prishtina e Re, ekip me të cilin ka firmosur kontrata për sezonin e ri.
Dadet 25-vjeçar te Prishtina e Re është transferuar nga skuadra e Maqedonisë së Veriut, Voska Sport për të cilën sezonin e fundit regjistroi 24 paraqitje kampionale.
“Me energji, disiplinë dhe aftësi për të kontrolluar mesfushën, Amos pritet të sjellë një dimension të ri për skuadrën tonë në Superligë”, ka shkruar Prishtina e Re.
Teilen:
