Vetëm pak javë nga starti i Abissnet Superiore 2025-2026 Federata Shqiptare e Futbollit ka nisur që të konsultohet me ekipet pjesëmarrëse për të ndryshuar skemën, e cila vendos edhe fituesen e kampionatit.
Formula e “Final 4” e dy sezoneve të fundit duket se ka nevojë të përmirësohet dhe ditën e sotme të ambientet e Federatës Shqiptare të Futbollit janë mbledhur të gjithë përfaqësuesit e skuadrave për të propozuar modifikime, të cilat do të bëjnë më tërheqës këtë fazë të kampionatit.
Kështu sipas draftit parashikohet se në përfundim të kampionatit të përgjysmimohen pikëve për katër skuadrat e para dhe aty të marrë jetë një minikampionat mes tyre në “Air Albania”. Katër ekipet do të luajnë me njëra – tjetërn (secila tre ndeshje) për të përcaktuar renditjen finale të katërshes.
