Al Nassr i Cristiano Ronaldos pritet këtë fundjavë (e diel, 20 korrik) në qytetin austriak të Saalfelden për kampin e tyre stërvitor veror, i cili do të vazhdojë deri më 4 gusht, nën udhëheqjen e trajnerit të ri Jorge Jesus, i cili zëvendësoi Stefano Piolin. Siç raporton RMC Sport, për shkak të marrëveshjeve të mëparshme, kjo mbërritje do të ndryshojë planet e klubit gjerman Hannover 96 krahasuar me vitet e kaluara.
Ekipi i Bundesligës 2 zakonisht qëndronte në një hotel me 4 yje në qytet, por duke pasur parasysh praninë e Al Nassr, këtë vit ata vendosën të heqin dorë nga fusha e tyre e zakonshme stërvitore dhe të zhvendosin selinë e tyre në kompleksin sportiv të shkollës së mesme lokale, ku do të përgatiten për sezonin e ri.
Në të gjitha këto, mbërritja e yllit portugez në vendin me 16,000 banorë ka vënë në gatishmëri edhe sigurinë personale të lojtarit. Raportet e shtypit lokal thonë se të paktën 16 roje sigurie janë punësuar për të siguruar privatësinë e tij dhe për të parandaluar që ai të “sulmohet” nga kalimtarët.
Lidhur me transferimin, trajneri i Hannoverit, Christian Titz, siguroi se përshtatja me këtë situatë të pazakontë nuk do të jetë problem: “Nuk është problem. Kushtet janë të shkëlqyera. Fusha është në gjendje të shkëlqyer”.
