Hansi Flick i kënaqur, siç mund të pritej, pas fitores 5-0 të Barcelonës në miqësoren ndaj Deagu. Trajneri gjerman, i cili menjëherë donte t’i siguronte të gjithë për gjendjen e Cubarsì-t, tha: “Dëmtimi i tij nuk është asgjë serioze. Është thjesht një goditje e fortë”.
Mbi përshtatjen e lojtarëve në role të ndryshme – “Rashford mund të luajë si numër nëntë, si numër njëmbëdhjetë… E vendosëm në fushë sepse Ferran Torres kishte probleme. Dhe me Gerard Martin, pamë nëse ai mund të përshtatej në rolin e mbrojtësit qendror. Kjo ndodhi tashmë me Eric Garcia, i cili u përshtat në një rol të ndryshëm nga zakonisht. Është pozitive që ai mund të luajë në pozicione të ndryshme”.
Për paraqitjen – “Ishte shumë e rëndësishme për ne që të ishim në gjendje të ndërronim formacionin titullar në çdo kohë. Nuk ishte e lehtë për shkak të motit, por ata bënë një punë të mirë. Tani do të shkojmë në shtëpi dhe do të kemi dy ditë për t’u rikuperuar. Do të rifillojmë stërvitjen të enjten në përgatitje për fillimin e sezonit”.
