Pas shitjes së Malik Thiaw te Newcastle për mbi 40 milionë euro, blerja e një mbrojtësi të ri është bërë përparësi për Milanin.
Kjo edhe për shkak se Allegri po vazhdon të përqendrohet në një mbrojtje me tre lojtarë, dhe nuk përjashtohet mundësia që Tare të përpiqet të sjellë jo një, por dy mbrojtës të rinj nga tani deri në fund të gushtit.
Sigurisht që do të ketë një investim të konsiderueshëm në një lojtar premtues, mundësisht një italian, por drejtori sportiv shqiptar, thekson “Tuttosport”, i ka vënë syrin edhe bashkëkombësit të tij Berat Gjimshitit të Atalantës, 32 vjeç me një kontratë që skadon në vitin 2026.
Dhe kush e di, ndoshta qendërmbrojtësi shqiptar i zikaltërve mund të bëhet përsëri një temë e nxehtë në fund të merkatos.
