Sulmuesi i krahut, Arbër Zeneli është dëmtuar në ndeshjen e fundit të skuadrës së Elfsborgut.
Elfsborgu, të hënën mbrëma barazoi 2:2 në shtëpi ndaj Varnamos kurse Zeneli u detyrua të largohet nga fusha në fillim të pjesës së dytë.
Ai ishte startues te Elfsborgu dhe asistoi në golin e parë të ndeshjes, por u zëvendësua në minutën e 49-të.
30-vjeçari e kërkoi vet largimin, ndërsa ka deklaruar se nuk e di çfarë po ndodhë me të pasi kohë më parë është rikthyer nga lëndimi dhe sapo filloi të marrë veten.
“Zakonisht është kështu kur gjërat shkojnë mirë për mua. Nuk e di vërtet se çfarë nuk shkon me mua”, tha Zeneli.
Në 6 ndeshje kampionale këtë sezon, Zeneli ka shënuar 1 gol dhe ka bërë 1 asistim.
Teilen:
