Në orët e fundit, Barcelona mori dritën jeshile nga LaLiga për të shtuar Joan Garcian në skuadrën e tyre për sezonin e ardhshëm, një vendim i marrë pas dëmtimit të fundit të Ter Stegen. Portieri i ri i “Blaugranëve” foli për Mundo Deportivo:
“Nuk vuajta. Kur nënshkrova, e dija si ishin gjërat. Isha dhe jam i gatshëm t’i përballoja, jam i qetë. Kjo sepse kjo është ajo që më jep klubi: qetësi. Ata më thonë se gjithçka do të shkojë mirë dhe jam i sigurt për këtë.
Barcelona është një klub i shkëlqyer, në çdo aspekt. E vërteta është se ndihem shumë rehat dhe jam shumë i lumtur”, ka thënë mes të tjerash portieri Joan Garcia.
