Fitorja historike e Kosovës mbrëmë ndaj Suedisë me rezultat 1:0 u shoqërua me një pjesëmarrje të jashtëzakonshme të tifozëve shqiptarë në Suedi.
Gazetari Arlind Sadiku, duke treguar për atmosferën e krijuar nga diaspora shqiptare në Suedi tha se të pranishëm ishin rreth 13 mijë tifozë për ta mbështetur Kosovën.
“Ishin më shumë se 13 mijë shqiptarë dje në Suedi. Ishte një organizim i hatashëm. Që nga ora 12 ishin mbledhur grupe të mëdha tifozësh nga të gjitha vendet e Evropës, sidomos nga Skandinavia. Jam i lumtur që fituam, për gjithë shqiptarët”, tha Sadiku.
