Ish-presidenti i Barcelonës, Joan Gaspart, ka ndezur debat mes tifozëve ‘blaugrana’ me deklaratat e tij të fundit, duke thënë se Pedri është shumë më i mirë se Lamine Yamal.
Në një intervistë të shkurtër, Gaspart vlerësoi lart mesfushorin nga ishujt Kanarie, duke e vendosur mbi talentin e ri 18-vjeçar që po mahnit botën e futbollit.
“Pedri është shumë më i mirë se Lamine Yamal,” tha shkurt ish-drejtuesi katalanas.
Megjithatë, krahasimi midis të dyve nuk është plotësisht i drejtë, pasi Pedri luan si mesfushor qendror, ndërsa Lamine është sulmues dhe anësor i djathtë. Në fakt, Barcelona ka vuajtur mungesën e të dyve në periudha të ndryshme, një dëshmi e rëndësisë që secili ka në skuadër.
Deklarata e Gaspart është parë nga shumë tifozë si e panevojshme, pasi synimi i klubit është të mbajë unitetin dhe harmoninë në grup, jo të krijojë krahasime mes ‘yjeve’ të vet.
Ndërkohë, Lamine Yamal, që ka munguar për disa javë për shkak të një dëmtimi në zonën pubike, është rikthyer plotësisht në formë dhe pritet të jetë sërish në dispozicion për ndeshjet e ardhshme të Barcelonës.
