Në Denver skuadra e Warriors nuk kishte shanse për të fituar pasi mungesa e Steph Curry bëri që të dominoheshin prej Nuggets.
Vendasit kaluan menjëherë në avantazh dhe gjatë të gjithë takimit nuk ulën ritmin duke e bërë të pamundur mbrëmjen për miqtë nga San Francisko me ndeshjen e mbyllur në shifrat 129-104.
Nikola Jokiç me 26 pikë, 9 topa në tabelë dhe 9 asist ishte njëri nga më të mirët në parket për Denverin, por edhe Jamal Murray dha një kontribut të madh me 23 pikë ndërsa ishte i saktë në pesë prej shtatë tentativave nga distanca.
