Gjërat në fakt po shkojnë mirë për spanjollët, të paktën në fushë. Real Madridi kryeson tabelën e La Ligës, përpara rivalëve të përbetuar, Barçës. Por Xabi Alonso, në veçanti, po përballet me kritika në rritje.
Tani, edhe mbështetja e presidentit të Real Madridit, Florentino Perez për ish-trajnerin fitues të titullit të Leverkusen duket se po zvogëlohet.
Sipas gazetës spanjolle “Sport”, dyshimet e Perezit për Alonson po rriten.
Arsyeja? Ai nuk sheh asnjë përparim në lojën e Realit që nga shkarkimi i trajnerit Karlo Ançelotit.
Reali po luan siç luante një vit më parë, kompakt në mbrojtje, me yjet Mbape, Vinicius dhe Bellingham në sulm, pa presion modern, pa revolucion taktik.
Një deklaratë e presidentit, të cilën gazeta e citon, tashmë po qarkullon në Madrid: “Nuk shoh asnjë modernitet te Xabi Alonso”.
Debati me Vinicius Junior vazhdon të shkaktojë trazira të veçanta.
Pasi u zëvendësua në “El Clasico” kundër Barçës, braziliani reagoi me zemërim.
Sipas raportimeve, klubi nuk e ndëshkoi Viniciusin, duke e lënë Alonson jashtë loje.
Trajneri thuhet se është i zhgënjyer nga brenda që Real Madridi nuk e mbështeti atë.
