Nëntë gola të shënuar në dy duelet e mbrëmjes së sotme të vlefshme për Grupin I, ku pa diskutim spikat triumfi 1-4 i Norvegjisë me përmbysje ndaj Italisë.
Pas suksesit 3-0 në ndeshjen e parë, Haland & CO, turpëruan sërish kombëtaren italiane, duke e mposhtu me rezultatin 1-4 në “San Siro”.
Kësisoj norvegjezët mbyllin grupin me pikë të plota, 37 gola të shënuar dhe vetëm 5 të pësuara.
Një sukses historik ky drejt Botërorit 2026, pas plot 28 vite pritje.
Ndërkohë në krahun tjetër, Italia e Gatuzos, tashmë duhet të “kryqëzojë gishtat”, për të pasur një short sa më të favorshëm, për të tentuar kualifikimin.
Dueli tjetër i grupit I, mes Izraelit dhe Moldavisë përfundoi me rezultatin 4-1.
