Kryetari i tifogrupit të Kosovës “Dardanët”, Lulzim Berisha e ka shijuar fitoren e Kosovës mbrëmë në Slloveni.
“Luli” është parë në lot, pas golit të shënuar të Kosovës nga Fisnik Asllani, dhe pas arritjes së një suksesi historik – kualifikimit në “play-offin” e Botërorit.
Kosova fitoi 2-0 në Slloveni, teksa Lulzim Berisha si prijës i tifozëve “Dardanët” ishte në stadium, si në çdo stadium apo shtet ku luan Kosova.
Përveç kontributit të tij si kryetar i “Dardanëve”, “Luli” kishte dhënë kontribut të pashoq edhe në luftën e Kosovës më 1999, si pjesëtar i Ushtrisë Çlirimtare të Kosovës.
