Pasi kaloi me sukses fazën e grupeve, Prishtina 01 është gati për fazën nokaut të Ligës së Kampionëve në futsall.
Kampionia e Kosovës, në 1/8 e finales do të përballet me skuadrën e Rigës nga Letonia, me ndeshjen e parë që e luan në kryeqytet dhe të dytën në udhëtim.
Dueli i parë ndërmjet këtyre dy skuadrave, luhet sot prej orës 20:15 në Pallatin e Rinisë dhe Sporteve në Prishtinë, ku ekipi nga kryeqyteti pret përkrahje të madhe nga tribunat.
Ndeshja e kthimit, zhvillohet të premten prej orës 18:30 në Riga kurse ekipi më i mirë nga të dyja këto ndeshje, avancon në çerekfinale.
Për Prishtinën 01, ky është sezoni i tretë rresht që paraqitet në garat e UEFA-s, ku përfaqëson Kosovën në futsall.
Teilen:
