Në një intervistë të kohëve të fundit, drejtori sportiv, Luis Campos, zbuloi qëllimet afatgjata të kampionit francez dhe evropian, Paris Saint-Germain.
Sipas këshilltarit sportiv, klubi i Ligue 1 shpreson të ndalojë shpenzimin e shumave të mëdha të parave në tregun e transferimeve për të blerë lojtarë.
“Qëllimi afatgjatë? Shpresojmë të ndalojmë së paguari shuma të mëdha parash në tregun e transferimeve”, ka thënë fillimisht Luis Campos për Canal Supporters.
“Dhe të kemi një ekip me më shumë lojtarë nga akademia jonë dhe rajoni i Parisit”, përfundoi drejtori sportiv i PSG-së.
Ndryshe, PSG viteve të fundit ka ndalur shpenzimet e mëdha, pasi këtë verë ka bërë vetëm dy transferime.
Ilya Zabarny i ka kushtuar 63 milionë euro për ta blerë nga Bournemouth, teksa Lucas Chevalier nga Lille ka kushtuar 40 milionë euro.
