Flamengo shkruan një faqe të re të historisë së futbollit amerikano-jugor. Klubi nga Rio de Janeiro ka fituar për herë të 4-t Coppa Libertadores, pasi mundi në finale Palmeiras, 1-0. Finalja, e gjitha braziliane, u zhvillua “Stadio Monumental” të Lima (Peru).
Falë këtij suksesi, Flamengo bëhet klubi i parë brazilian që fiton 4 herë kompeticionin më të rëndësishëm kontinental, ekuivalent i Champions League në Europë.
Finalja, që u luajt para 50 mijë spektatorëve, u vendos nga një gol i shënuar në minutën e 67-të nga Danilo, ish-mbrojtësi i Juventus. Ai devijoi saktë me kokë një top të krosuar nga këndi.
Danilo bëhet kështu i vetmi futbollist në botë që ka fituar dy herë Champions League (2015-16 dhe 2016-17 me Real Madrid) dhe dy Coppa Libertadores (2011 me Santos dhe 2025 me Flamengo).
