Lara Colturi vazhdon të jetë e jashtëzakonshme në garat e Kupës së Botës në ski. Në slallomin special, kjo në rrëshqitjen e parë, ka zënë vendin e katërt mes 59 konkurrentëve. Koha është fantastike për Lara Colturin, që ka fiksuar kohën 53”68 duke qenë vetëm 74 të qindtat larg Mikaela Shifrin, e cila rrëshqitjen e parë e ka mbyllur në kohën 52”94. Kujtojmë që në rrëshqitjen e dytë në Malet Kuper në Shtetet e Bashkuara të Amerikës kualifikohen 30 skiatore.
Dhe duke qenë se Lara Colturi ka arritur dy vende të dyta në tre stacionet e para të Kupës së Botës, atëherë shpresat për një ngjitje në podium janë të mëdha. Aq më tepër që si në Levi të Finlandës, ashtu dhe në Gurgl të Austrisë ka zënë vendin e dytë në slallomin special.
Parë kështu të gjithë shpresojnë që Lara Colturi në ora 21:00 drejtpërdrejtë në rrjetin e Radio Televizionit Shqiptar t’i japi një tjetër arritje skive shqiptare. Para rrëshqitjes së dytë do të jetë dhe emisioni “Shqipëria mbi ski” nën drejtimin e Albana Bejkos.
Gjithçka jo vetëm në kanalin e parë të Radio Televizionit Shqiptar, por dhe në RTSH Sport. Pas vendin të dymbëdhjetë në slallomin gjigant, tashmë shanset për një medalje në slallomin special janë të mëdha për Lara Colturin.
