E jashtëzakonshmja Lara Colturi. Për herë të tretë, në katër gara të Kupës së Botës në ski, ngjitet në podium. E tashmë slallomi special po kthehet disiplina e saj e zakonshme. Pas vendit të dytë në Levi të Finlandës dhe në Gurgl të Austrisë, Lara Colturi është e treta në Malet Kuper në Kolorado(SHBA).
E treta mes 30 konkurrenteve në rrëshqitjen e dytë, teksa ka fiksuar kohën 1’50”60. Në vendin e dytë gjermania Lera Durr me kohën 1’50”32, kurse në vendin e parë si gjithnjë amerikania Mikaela Shiffrin me kohën 1’48”75.
Vetëm një gabim i vogël në rrëshqitjen e dytë e Lara Colturit nuk e ka ngjitur në shkallët më të larta të podiumit. Por gjithsesi ajo është aty dhe kjo është krenari për të gjithë skitë shqiptare. Javën e ardhshme Lara Colturi do të jetë në Kanada në slallomin gjigant dhe atë special pikërisht në Trembland.
Me shpresën që do të vazhdojë të ketë rezultate të larta, ashtu sikurse pritej prej saj medalje në Lojërat Olimpike. Deri më tani dy vende të dyta dhe një të tretë në slallomin special dhe vendi i shtatë dhe i dymbëdhjetë në slallomin gjigant. Që do të thotë se është mbretëreshë e skive shqiptare
