Nisja e sezonit për Lara Colturi-n ka qenë stratosferike edhe pse shumë pak janë habitur duke njohur potencialin e skiatores, e cila sapo ka mbushur 19 vjeç.
Podet e koleksionuara radhazi në Kupën e Botës të Skive janë kthyer në zakon për skiatoren kuqezi, e cila vlerësohet shumë në Itali ku të gjithë e njohin si “vajza e Daniela Ceccarelli”-t.
Me rekordet e saj Colturi ka arritur që të thyej një të vendosur prej një emëri të njohur të këtij sporti në Itali. Bëhet fjalë për Isolde Kostner, e cila ka qenë skiatoria e vetme e kaltër me tre pode në moshën 20-vjeçare. Më saktë ajo që njihet nga të gjithë në Itali me nofkën “Isi” ia doli që të ngjitej në pode të Kupës së Botës plot tre herë në moshën 19 vjeç e 350 ditë ndërsa Lara Colturi ia ka dalë që në moshën 19 vjeç dhe 15 ditë.
“Jam shumë krenare për atë çfarë kam arritur pasi e di se është fryt i një punë të madhe. Dy vite më parë pësova një dëmtim të rëndë, por ja ku jam sot. Shiffrin? Është e mrekullueshme dhe burim frymëzimi për mua”, tha Lara Colturi.
