“Së pari dua të kërkoj falje për kartonin e kuq, ishte i drejtë largimi im nga fusha”. Kështu e ka nisur intervistën e tij trajneri i Bylisit, Mirel Josa për “Super Gol” në RTSH pas barazimit 1-1 përballë Vllaznisë në “Loro Boriçi”. Trajneri i ballshiotëve u ndëshkua me karton të kuq në pushim të ndeshjes, në një moment tensioni me gjyqtarin e sfidës.
“Ishte një faull që nuk u dha për ne dhe unë u kapa me gjyqtarin, dola jashtë natyrës time, është hera e parë që më ndodh”.
“Sa i përket ndeshjes, bëmë një ndeshje deri diku të mirë. Kishim problemet tona në pjesën e parë, duhet të ishim më të ngjeshur në mesin e fushës, e rregulluam në pjesën e dytë”.
