Interi nuk bën asnjë gabim në Marassi. Pas një humbje të hidhur në Ligën e Kampionëve ndaj Liverpoolit, skuadra e Chivu mundi Genoan 2-1 në javën e 15-të të Serie A, duke parakaluar Napolin dhe Milanin, për të marrë në zotërim vendin e parë.
Bisseck kaloi zikaltërit në avantazh pas 6 minutash lojë, ndërsa Lautaro dyfishoi shifrat në minutën e 38-të duke e bërë gjithçka të lehtë. Megjithatë, vendasit u rikthyer në lojë në pjesën e dytë me golin e Oliveira 68’, por vetëm kaq.
Kjo fitore i lejon zikaltërit të shkojnë në 33 pikë (një përpara skuadrës së Allegrit dhe dy përpara djemve të Contes) dhe të shkojnë në Superkupën e Italisë si kryesues të ligës në mënyrën më të mirë të mundshme.
Teilen:
