Niclas Fullkrug është kthyer në një objektiv serioz për Milanin.
Qendërsulmuesi gjerman që aktivizohet në Premier League me West Ham, është “piketuar” nga Igli Tare.
Kuqezinjtë duket se do të ndajnë rrugët me Santiago Gimenez që në janar. Në këto kushte, në “San Siro” duhet të zbarkojë një sulmues tjetër për të plotësuar hapësirat e lëna bosh.
Nuk dihet ende ç’do të ndodhë me këtë “operacion”, por Milan është duke pritur “pas dere”.
Kujtojmë që këtë sezon me West Ham, gjermani 32-vjeçar ka marrë pjesë në 9 ndeshje. Në asnjërën prej tyre s’ia ka dalë që të shënojë gol apo të asistojë.
