Një provokim i çuditshëm ndodhi mbrëmë në stadiumin e Rayo Vallecanos në Madrid ndaj kampionit të Kosovës, Dritës së Gjilanit!
Jo me flamurin serb, por kësaj radhe me flamurin e shtetit që dha shpirt në vitin 1991, ish Jugosllavisë artificiale.
Media spanjolle “Marca” ka publikuar në faqen e saj këtë flamur, por nuk ka shkruar asnjë rresht se kush ishin ata që e shfaqën.
Në tribuna karshi flamurit të klubit nga Madridi u shfaq edhe flamuri famëkeq i shtetit artificial që u shpërbë në verën e vitit 1991.
Ky flamur famëkeq u hoq pasi që u ankuan drejtuesit e Dritës së Gjilanit.
Ky flamur famëkeq u shfaq në ndeshjen zyrtare të Conference League në futboll.
Edhe një turp i radhës, kësaj radhe në tokën spanjolle e cila nuk e njeh shtetin e Republikës së Kosovës.
