Nuk ka kohë për pushime në futbollin shqiptar. Vetëm pak ditë për festat e vundvitit dhe menjëherë në fushën e stërvitjes, sepse aktiviteti nis shpejt. Java e 19-të e Abissnet Superiore do të luhet në mes të janarit.
FSHF ka zyrtarizuar datat e ndeshjeve të kësaj jave, që zhvillohet në dy ditë dhe në mesjavë. Ndeshja e parë e kampionatit për 2026-ën do të jetë Bylis-Tirana, që luhet të mërkurën e 14 janarit. Po atë ditë do të luhen edhe ndeshjet Vllaznia-Egnatia dhe Elbasani-Flamurtari.
Të enjten do të luhen dy ndeshjet e tjera të kësaj jave, Partizani-Vora dhe Teuta-Dinamo. Viti 2026 do të nisë pak ditë më parë në fakt për futbollin shqiptar, pasi më 10 janar janë programuar ndeshjet e Kupës së Shqipërisë.
Teilen:
