Skiatorja Lara Colturi ka folur ekskluzivisht për RTSH në emisionin “Shqipëria mbi Ski” pas përfundimit të garës në Kranjska Gora të Sllovenisë, aty ku 19-vjeçarja zuri vendin e 6-të. Ky është rezultati më i mirë sezonal për Lara Colturin në disiplinën slalom gjigant në Kupën e Botës në Ski për femra, event që transmetohet drejtpërdrejt dhe ekskluzivisht në rrjetin e Radio Televizionit Shqiptar.
“Kam flirtuar me podiumin në slalomim gjigant në garat e fundit. Ndihem mirë, jam në formë. Mund të kisha bërë më mirë në zbritjen e dytë, por sërish jam e kënaqur me këtë rezultat, që është më i miri sezonal në slalomin gjigant.
Nuk është e lehtë ti menaxhosh të dyja disiplinat, por ne po punojmë për këtë. Camille Rast po bën shumë mirë në të dyja. Unë kam rezultatet e mia, po punoj fort dhe po rritem shumë. Nesër do të përpiqem që të jap më të mirën në garën slalom”, ka thënë mes të tjerash Lara Colturi për RTSH.
