Bomba e merkatos së janarit, Theo Hernandez rikthehet në Serie A.
Carlo Pellegatti, po edhe burime të tjera në Itali, zbulojnë se Juventus është në bisedime me Al-Hilal dhe Theo Hernandez, për një rikthim të mundshëm të francezit në Serie A.
Sipas këtyre raportimeve, kjo gjë mund të ndodhë gjatë merkatos verore dhe përjashtohet mundësia për afatin kalimtar të janarit. Hernandez është gati të rikthehet në Serie A vetëm pas një sezoni në Arabinë Saudite.
Ende nuk dihet për detajet ekonomike dhe rrogën që do të marrë francezi, duke ditur se tek Al-Hilal, paguhet plot 20 milionë euro në sezon, por interesimi i Juventusit është serioz dhe konkret.
Vetë francezi është shprehur disa herë publikisht që nuk ka dashur kurrë të largohet nga Milan, por ishte i detyruar për shkak të drejtuesve të klubit kuqezi, të cilët e kishin kërcënuar në një farë mënyre se do të rrinte në stol deri në fund të kontratës, nëse nuk largohej verën e kaluar.
