Shfaqet një emër i ri në planet e merkatos dimërore të Juventusit. Yannick Ferreira Carrasco mund të lërë Al Shabab gjatë këtij muaji dhe klubi torinez ka marrë informacion për disponibilitetin e lojtarit.
Belgu duket si një okazion, pasi është një lojtar me eksperiencë të konsiderueshme ndërkombëtare. Për këtë arsye ai po ndiqet edhe nga klube të tjera europiane. Opsioni Carrasco fiton kuota mbi të gjitha për shkak të vështirësive që po has Juventusi në lidhje me rikthimin e Federico Chiesa.
Liverpool për momentin nuk e ka dhënë miratimin për shitjen e sulmuesit italian, kështu që klubi bardhezi po sheh në të njëjtën kohë të gjitha mundësitë e tjera, ku Carrasaco duket vërtet një profil interesant për trajnerin Spalletti. Më parë belgu ka luajtur për Atletico Madrid.
