Barcelona fiton pa telashe, Yamal me supergol

Lamine Yamal ka shënuar supergol të dielën në fitoren bindëse të Barcelonës.

Barça e mposhti bindshëm 3:0 në shtëpi Real Oviedon në kuadër të javës së 21-të të La Ligas.

Gjiganti katalunjas të tre golat i shënoi në pjesën e dytë.

Dani Olmo e hapi serinë e golave në minutën e 52-të. Pesë minuta më pas, Raphinha, e shënoi golin e dytë.

Yamal me asistim të Olmos shënoi gol shumë të bukur për 3:0 në minutën e 73-të.

Barça vazhdon të jetë lidere me 52 pikë. Real Madridi ka një pikë më pak në vendin e dytë.

Oviedo mbetet në pozitën e fundit me vetëm 13 pikë. Rrezikon seriozisht largimin nga elita.