Përmes një njoftimi zyrtar, klubi i basketbollit Peja ka bërë të ditur ndryshimet e reja në klub.
Sipas KB Peja në Facebook, udhëheqësit e klubit kanë përcaktuar një Bord të përkohshëm deri në muajin qershor kur edhe pritet të mbahet Kuvendi i klubit dhe të zgjidhet kryesia e re.
Njoftimi i plotë i klubit:
Gjatë ditës së sotme, është mbajtur në zyret e klubit GO+ Peja mbledhja e përgjithshme, ku presidenti i klubit, Fatmir Gashi dhe zv. presidenti, Egzon Burri – kanë përcaktuar bordin e përkohshëm të klubit deri në muajin qershor, ku edhe do të mbahet kuvendi i rregullt për të zgjedhur kryesinë me mandat të plotë.
Si anëtar të bordit, janë emëruar:
* Valbona Bytyqi – ish-basketbolliste
* Vigan Radoni – ish-basketbollist
* Milaim Ukaj – ish-basketbollist
* Arbër Berisha
* Agon Avdyli – UCF
Në pozitën e Drejtorit Sportiv të klubit, është emëruar Arbër Elshani.
Ervin Muharremi është rikthyer në rolin e tij në administratë të klubit.
