Vendim tronditës nga CAF. Kupa e Afrikës i hiqet Senegalit pas 2 muajsh dhe i jepet Marokut, duke shkaktuar reagime të forta nga “Luanët e Terangës”. Lojtarët kanë shpërthyer në rrjetet sociale me akuza të rënda për korrupsion, duke sfiduar hapur vendimin: “Ejani ta merrni!”
Mes reagimeve më të forta është ai i Sadio Mané: “Ajo që ndodhi ka kaluar çdo kufi. Ky nuk është futbolli për të cilin luftojmë, nuk është Afrika ku besojmë. Ka shumë korrupsion në sportin tonë. Lojtarët japin gjithçka në fushë, por vendimet e marra jashtë po përcaktojnë ndeshje dhe trofe. Jam thellësisht i zhgënjyer, jo vetëm për Senegalin, por për futbollin afrikan në tërësi”.
El Hadji Malick Diouf shkroi me ironi në rrjetet sociale: “KY TROFE FITOHET NË FUSHËN E GJELBËR, JO ME EMAIL. NATËN E MIRË”
Claude le Roy shkroi: “Mendoj se ka pasur shumë manovra të dyshimta që u vendos që Maroku të shpallej kampion, është patetike për imazhin që jep CAF. Kemi përshtypjen se Maroku mund të blejë gjithçka. Senegali e mori këtë trofe në tapetin e gjelbër. Ky është vetëm fillimi i çështjes”
