Pas rizgjedhjes së Joan Laportës si president i Barcelonës, tashmë edhe për një mandat tjetër dëri në vitin 2031, drejtori sportiv i katalanasve, Deco, ka nisur direkt nga puna për të bërë ndryshimet e nevojshme në skuadër për sezonin e ri
Edhe pse dëshirat kryesore janë emrat “big” si Julian Alvarez apo Alessandro Bastoni, përforcimi i parë i epokës së re të Joan Laporta duket se do të jetë i Andreas Schjelderup, sulmuesi norvegjez i Benfica-s.
Aftësia e tij për të çekuilibruar mbrojtjen kundërshtare në situata një-me-një, shpejtësia dhe vizioni i tij për të krijuar mundësi shënimi, e bëjnë atë një alternativë shumë interesante për sulmin e Barcelonës. Kontrata e 21-vjeçarit me Benfica-n skadon në vitin 2028 dhe vlera e tij në treg llogaritet 15-20 milionë euro, shifër mëse e përballueshme për katalanasit.
Objektivi i Barcelonës është transferimi jo vetëm i lojtarëve të afirmuar dhe me përvojë, por edhe i elementëve të rinj, të cilët shihen si investime afatgjata për klubin.
