Raphinha është bërë një nga shtyllat kryesore të Barcelonës në vitet e fundit, element i pazëvendësueshëm në skemat taktike të Hansi Flick. Sulmuesi brazilian, me kontratë deri më 2028, spikat jo vetëm për cilësinë e lojës, por edhe aftësinë për t’i dhënë ritëm manovrës sulmuese dhe udhëhequr presingun e ekipit.
Falë performancave të qëndrueshme në nivel të lartë dhe ndikimit gjithnjë e më të madh brenda dhomës së zhveshjes, Raphinha po afirmohet edhe si lider natyral. Kontributi i tij konsiderohet kyç për ambiciet e klubit në La Liga dhe Champions League. Edhe pse emri i tij shpesh lidhet me thashetheme merkatoje, teksa ka tërhequr interesin e shumë klubeve, braziliani ka qartësuar qëllimin: të qëndrojë në Katalonjë të paktën deri në fund të sezonit të ardhshëm, duke refuzuar oferta të favorshme ekonomike, përfshirë nga liga saudite.
Njëkohësisht po vazhdojnë kontaktet me drejtuesit blaugrana për të diskutuar zgjatjen e bashkëpunimit. Nuk përjashtohet që në muajt e ardhshëm të vijë edhe rinovimi i kontratës, si sinjal i vullnetit për ta ndërtuar së bashku të ardhmen e Barcelonës.
