Phil Foden është i vendosur të luftojë për t’u rikthyer në formë dhe në garë për Manchester City. Mesfushori anglez ka pasur vështirësi për kohë loje në vitin 2026 dhe nuk ka luajtur 90 minuta të plota në asnjë garë që nga barazimi 1-1 i City me Chelsea në Premier League, më 4 janar.
25-vjeçari ka filluar titullar vetëm tetë nga 20 ndeshjet e fundit të City dhe kryesisht është dashur të kënaqet me role zëvendësuese. I fundit i tij erdhi në fitoren e së dielës në finalen e Carabao Cup ndaj Arsenal, kur ai hyri nga stoli në minutën e fundit.
Foden, më parë ishte dukur në formë të mirë, duke shënuar tetë gola në hapësirën e nëntë ndeshjeve në nëntor dhe dhjetor. “Futbolli ndonjëherë nuk është i drejtpërdrejtë, ka ulje-ngritje dhe ndonjëherë nuk mund të jesh versioni më i mirë i vetes dhe kështu është”, tha Foden.
“Ka të bëjë vetëm me mënyrën se si e rikthen veten në formë. E mbaj kokën ulur, duke u përpjekur të stërvitem sa më mirë që të mundem çdo ditë dhe shpresoj të kthehem pas ndeshjeve ndërkombëtare. Uroj të mund të marr më shumë minuta dhe të jem aty ku isha në fillim të sezonit”, tha Foden.
