Trajneri i Chelsea, Liam Rosenior, nuk e humb shpresën për një vend në Champions League, pavarësisht humbjes 0-1 në shtëpi ndaj Manchester United, ndërkohë që janë 7 pikë larg vendit të pestë. “Është vërtet e vështirë”, tha Rosenior.
“Ishim të pafat, ata patën vetëm një gjuajtje në portë. Ne u përballëm me një valë sulmesh dhe goditëm shtyllën katër herë. Nuk dua që skuadra ime të mendojë se gjërat janë kundër nesh. Ne duhet të vazhdojmë të luftojmë“, shtoi trajneri i “blues”.
Më tej, Rosenior komentoi: “Ne duhet të mbrohemi më mirë në ato momente. Nëse nuk e bëjmë, ndëshkohemi. Tani për tani, çdo gabim i vogël që bëjmë përkthehet në një gol, dhe kjo duhet të ndryshojë në të ardhmen”.
“Rezultati ka rëndësi dhe nuk morëm atë që duhej. Janë detajet e vogla që bëjnë diferencën, por duhet të vazhdojmë të punojmë shumë me stafin dhe lojtarët për të ndryshuar gjërat. Nuk ndihem nën presion”, tha Rosenior.
“Nuk do të dorëzohemi, pasi unë besoj se jemi në gjendje të përfundojmë në pesë të parët. Janë ende edhe 5 ndeshje për t’u luajtur, ndaj duhet të tregojmë më të mirën për t’i afruar rivalëve tanë”, tha trajneri i Chelsea, Liam Rosenior.
