Sulmuesi Erald Maksuti ka mbyllur zyrtarisht transferimin tek Akhmat Grozny në kampionatin rus. Lojtari që zhvilloi një sezon shumë të mirë me Flamurtarin, duke shënuar 12 gola, ka nënshkruar kontratën me klubin e ri.
Maksuti, sipas faqes zyrtare të Akhmatit, ka firmosur një kontratë 4-vjeçare. Në lajmin për këtë transferim theksohet fakti se sulmuesi ka qenë pjesë e kombëtareve të moshave të Shqipërisë.
Shkodrani spikati me fanellën e skuadrës vlonjate dhe pritej një tranafserim i tij jashtë Shqipërisë, duke pasur parasysh edhe moshën e tij të re, 22 vjeç.
Tek Akhmat Grozny kanë luajtur më parë disa futbollistë shqiptarë, të cilët kanë lënë gjurmë, si Ilion Lika, Odise Roshi, Bekim Balaj dhe Bernard Berisha.
Teilen:
