Kylian Mbappé “është në formë të shkëlqyer, si fizikisht ashtu edhe mendërisht”, tha trajneri i Francës, Didier Deschamps, në një deklaratë për mediat franceze përpara ndeshjes së parë miqësore përgatitore për Kupën e Botës kundër Bregut të Fildishtë e programuar për tu zhvilluar nesër në Nantes (ora 21:10), e ndjekur nga një ndeshje kundër Irlandës së Veriut të hënën, më 8 qershor, në Lille (ora 21:10).
Pas këtyre dy ndeshjeve, Franca do të niset për në bregun lindor të Shteteve të Bashkuara, ku ndodhet baza e skuadrës për Kupën e Botës.
“Kam qenë në kontakt me të. Ai ka folur me lojtarët; ai është kapiteni. Ndodhi çfarë ndodhi në nivel klubesh, dhe tani është tek skuadra kombëtare. Ai i ka dhënë gjithçka grupit, atyre që ishin të pranishëm në seancat e para stërvitore”, tha Deschamps.
“Ai ka përvojë që të tjerët nuk e kanë. Kjo është Kupa e Botës e tretë e tij. Dhe ata do të përballen me një kundërshtar të vështirë. Ai po bën shumë mirë”, përsëriti trajneri francez.
