Përveç Francë-Irak, udhëtimi Norvegji-Senegal (i planifikuar për në orën 02:00 të mëngjesit) kërcënohet gjithashtu nga stuhitë. Shërbimi Kombëtar i Motit i SHBA-së ka lëshuar një paralajmërim për përmbytje për pjesë të New York City dhe New Jersey, përfshirë dhe zonën ku ndodhet stadiumi MetLife.
“Priten reshje shiu dhe mundësia për stuhi me reshje të mëdha shiu këtë pasdite dhe mbrëmje. Këto reshje mund të arrijnë deri në 5 cm shi në orë. Një intensitet i tillë mund të shkaktojë përmbytje të menjëhershme, veçanërisht në zonat urbane dhe ato me kullim të dobët”, thuhet në deklaratë.
“I bëj thirrje të gjithëve të planifikojnë paraprakisht dhe të lënë kohë shtesë për udhëtim të sigurt”, tha kryebashkiaku i New York-ut, Zohran Mamdani, në një deklaratë. “Asnjë destinacion nuk ia vlen të rrezikosh sigurinë tënde. Nëse kushtet përkeqësohen, qëndro në shtëpi dhe prit derisa të jetë e sigurt për të udhëtuar”.
