Cristian Romero ka folur për transferimin e tij nga nga Tottenham tek Atletico Madrid.
Romero kishte njoftuar tashmë largimin e tij nga Spurs të premten, ndërsa shkroi një lamtumirë emocionale për tifozët e Spurs në rrjetet sociale.
Duke folur për transferimin, Romero theksoi ambicien e tij për trofe dhe pse mendon se kjo lëvizje është perfekte për të.
“Jam shumë i lumtur, shumë i kënaqur që arrita këtu, në këtë klub të madh. E di që vij me të njëjtin mentalitet si gjithmonë, duke u përpjekur të shkruaj emrin tim në historinë e këtij klubi të bukur.
“E di që e vetmja mënyrë është duke fituar trofe, kështu që vij me atë mentalitet dhe do të jap gjithçka deri në ditën e fundit për ta arritur këtë. Është një klub që, për shkak të stilit tim të lojës, më përshtatet në mënyrë të përkryer.
“Ka shumë shokë të ekipit kombëtar këtu, dhe e di që është një klub i mrekullueshëm. Kur luajta kundër tyre në Champions, tifozët që i mbështesnin… pak nga gjithçka më bënë të merrja këtë vendim për të ardhur këtu.
“Do të jap gjithçka nga vetja ime, pa dyshim. Në fund të fundit, futbolli mund të shkojë mirë ose keq, por e di që do të jem 100 për qind i përkushtuar ndaj kësaj fanelle”.
