Atletico Madrid shmangu një paraqitje zhgënjyese në ndeshjen hapëse të sezonit të La Liga kundër Malaga dhe fitoi 2-0, duke marrë 3 pikët e para të sezonit në stadiumin Metropolitano, para tifozëve të tij. Trajneri Diego Simeone dha një analizë fillestare: “U përpoqëm ta fillonim ndeshjen me lojtarët në gjendjen më të mirë fizike për të garuar”.
“Në pjesën e parë, ishim të organizuar, me Koke dhe Barrios që e menaxhuan lojën shumë mirë. Ne nuk krijuam asnjë mundësi të vërtetë shënimi, megjithëse pati disa lojëra të mira nga Arnau dhe Lookman. Në pjesën e dytë, zëvendësimet siguruan një rritje të cilësisë: të gjithë zëvendësuesit na dhanë shtysën që na nevojitej”, tha argjentinasi.
“Dy golat ishin xhevahire të vërteta dhe na lejuan të fitonim një ndeshje që nuk ishte aspak e lehtë“, tha Simeone, që shtoi: “Po kërkojmë zgjidhje që mund të na bëjnë më efektivë. Këta janë lojtarët e disponueshëm për ta mbushur këtë rol sot dhe shpresojmë ta përmirësojmë më tej performancën e tyre”.
“Lojtarët po punojnë shumë mirë. Ata që kthehen nga Kupa e Botës po stërviten me një dëshirë të fortë për të performuar. Grupi është i fortë dhe të sapoardhurit po e interpretojnë mirë filozofinë e klubit. Po i kushtojmë vëmendje të madhe goditjeve standarde për të përmirësuar shifrat e sezonit të kaluar“, tha Simeone.
