Trajneri i Egnatias, ka folur për kanalet zyrtare të klubit rrogozhinas, në prag të ndeshjes kundër Tiranës, që do të luhet sot në orën 21:00 dhe do të transmetohet në RTSH 1.
“Harmonia në grup është maksimale, ky fakt na gëzon pa masë, kemi dy mungesa të rëndësishme, Bakajoko që do kohën e gjatë për rikuperim pas një ndërhyrje të suksesshme, i uroj shërim të shpejtë. Dhe Haime për një trajtim që ta kemi sa më shpejt që është e mundur ta kemi pranë skuadrës.
Mbështetja e klubit është maksimale, ky sezon i ri na gjen mirë, jemi gati për tu përballur me Tiranën. Ka shumë elementë që ndikojnë në përgatitjen e ndeshjes. Egnatia është historia e momentit e futbollit shqiptar, këtë duhet ta dinë mirë të gjithë, besoj që është një përballje shumë e bukur, çdo kush do të kishte dëshirë të ishte pjesë, jo vetëm për ta luajtur por edhe për ta ndjekur në stadium, është një vitrinë luksi për Superioren.
Jam i lumtur me këtë grup djemsh, ata stërviten çdo ditë, nuk kursehen, nuk më sjellin kokëçarje, janë gati për përballjen, duhet të jemi në fokus”, deklaroi mes të tjerash Dede.
