Olympique Marseille dhe Athletic Bilbao janë dy klubet e vetme në pesë ligat kryesore të Europës që nuk kanë bërë asnjë nënshkrim këtë verë, qoftë blerje përfundimtare, qoftë huazim me të drejtë ose detyrim blerje, apo huazim të thjeshtë.
Pasiviteti i Athletic Bilbao në këtë merkato përputhet me traditën e tyre të gjatë të mbështetjes pothuajse ekskluzivisht te lojtarët nga akademia e tyre e të rinjve ose lojtarëve të tjerë me prejardhje baske.
Në anën tjetër, mungesa e transferimit të lojtarëve nga Marseille rrjedh drejtpërdrejt nga kufizimet e rënda financiare që penguan ekipin e Ligue 1 gjatë gjithë verës. Klubi francez ka qenë i detyruar të largojë disa nga yjet e ekipit të sezonit të kaluar.
Me një skuadër të varfëruar në mënyrë drastike dhe zero përforcime, Marseille përballet me një betejë të vështirë këtë sezon, ku sigurisht synimi madhor do të jetë qëndrimi në elitë.
