Trajneri i Chelsea, Xabi Alonso, pas humbjes 1-2 ndaj Arsenal në derbin londinez, duket se ka gjetur problemin kryesor të skuadrës së tij. Me 7 gola të pësuar në tri ndeshjet e para të Premier League, spanjolli deklaron se duhet të punojë më shumë me këtë repart.
“Prioriteti im është të fitoj ndeshje. Normalisht fiton ndeshje kur nuk pëson shumë gola. Është diçka që duhet ta adresojmë. Duhet të jemi më të ngushtë, më klinikë, më të ekuilibruar, por kjo kërkon kohë”, tha Alonso.
Më tej, trajneri spanjoll i “blues” tha: “Ne donim të garonim, të fitonim në këtë derbi. E dinim që nuk ishim aq larg fitores, por ajo shkoi në favorin e tyre. Mund të kishim shënuar për 2-1 dhe nuk e di kurrë se çfarë ndodh”.“Rezultati është ai që është, nuk mund të argumentoj kundër kësaj. Por duhet ta pranojmë, nuk jemi të lumtur. Dhemb. Jam i zhgënjyer me siguri. Kjo është humbja jonë e parë”, tha Xabi Alonso.
“Dua të garoj në mënyrën më të mirë të mundshme për të fituar. Dje nuk donim të qëndronim thellë që nga minuta e parë. Duam të jemi aktivë, protagonistë në presion. Kemi bërë shumë gjëra të duhura. Duhet ta përmirësojmë, të mësojmë prej tyre”, tha ai.
“Kur luan në nivelin më të lartë, duam të jemi sa më efikasë në të gjitha fazat e lojës. Por ja ku jemi. Është ndeshja e tretë ose e katërt për ne në një fazë të re që fillon me Chelsea. Jam i kënaqur me shpirtin dhe qëndrimin e lojtarëve. Ata punuan shumë“, tha Alonso.
