“Jam shumë i lumtur që rikthehem të luaj në Champions League. Gjithmonë e përballojmë këtë kompeticion me motivim dhe entuziazëm. Jemi në formë të mirë. Do të luajmë një ndeshje shumë të vështirë, por ky është Champions-i dhe e presim me kënaqësi”.
Kështu u shpreh sulmuesi i Real Madridit, Kylian Mbappé, në konferencën për shtyp para sfidës me Interin. Për marrëdhënien me Vinicius: “Është vetëm një opinion mes miliona zërave që ekzistojnë për Real Madridin, klubin më të madh në botë. Nuk mund të kontrolloj gjithçka që thuhet. Kemi të njëjtin objektiv, që është të fitojmë trofe. Nuk mund të kontrollojmë opinionet e njerëzve. I dëgjojmë, përpiqemi të përmirësohemi dhe vazhdojmë përpara”.
Për “Topin e Artë” tha: “Kur luan për Real Madridin, klubin më të mirë në botë, emri yt lidhet në mënyrë të pashmangshme me këto çmime. Është një vlerësim shumë pozitiv për çdo lojtar. Këtë verë bëra histori në kompeticionin më të rëndësishëm, por rruga është ende e gjatë”.
Dhe për pyetjen nëse ndihet lojtari më i mirë në botë: “Gjithmonë ndihem kështu, por është çështje shumë personale. Secili ka opinionin e tij. Ky mund të jetë një vit i mirë për ta fituar ‘Topin e Artë’, por fituesin e votojnë gazetarët dhe ata do të zgjedhin”.
