Pas rikthimit nga huazimi te Lyon, ku bëri vërtet mirë, Endrick nuk ka debutuar ende për Real Madrid këtë sezon dhe ndoshta mund të luajë ndaj Interit në Champions League të martën, por 5 ose 10 minuta, jo më shumë.
Të paktën kjo është ajo që paralajmëroi Jose Mourinho në konferencën e sotme për shtyp, kur u pyet për aktivizimin e mundshëm të brazilianit nesër ndaj zikaltërve.
“Nesër ai mund të jetë gati të luajë për maksimumi 5 ose 10 minuta. Dhe kaq. Ai u stërvit dje për herë të parë me ekipin. Dhe nuk ka luajtur që kur ishim në Budapest ose Austri në një ndeshje miqësore që luajtëm. Ai nuk është i aftë të luajë për më shumë se 5 ose 10 minuta. Por duke qenë se kemi shumë vende të lira në stol, ku supozohet të jenë të pranishëm dymbëdhjetë lojtarë dhe ne nuk i kemi, Endrick do të jetë aty.
Ai është një lojtar sulmues dhe do të luajë në sulm. Mos u shqetësoni, ai nuk do të luajë si mbrojtës i majtë ose si qendërmbrojtës. Ai do të luajë atje përpara. Në të djathtë, në të majtë, si numër nëntë ose numër dhjetë, por ai luan atje në vijën e parë”, tha Mourinho.
