Ish-sulmuesi i Juventusit, Fabrizio Ravanelli, ka folur për të ardhmen e klubit bardhezi, duke vlerësuar drejtimin aktual: “Carnevali ka treguar te Sassuolo se është një njohës i madh i futbollit dhe profesionist i shkëlqyer. Ka ardhur te Juventusi pa bujë dhe po imponon lidershipin përmes punës. Jam i bindur se është njeriu i duhur për ta rikthyer klubin në rrugën e duhur, me kusht që ta lënë të punojë i qetë dhe pa presione”.
Ravanelli veçon edhe afrimet e verës: “Pape Matar Sarr, për shembull, po më pëlqen shumë. Ka forcë dhe fizik. Mund të jetë një nga surprizat më interesante të kampionatit”.
Për të ardhmen, ai kërkon edhe më shumë lojtarë italianë: “Juventusi ka nevojë për një bërthamë të fortë italiane. Historia e klubit e tregon; nuk ka pasur Juventus fitues pa futbollistë të mëdhenj italianë”.
Parashikimi i tij është i qartë: “Nëse drejtimi mbetet ky, Juventusi do ta fitojë titullin brenda 2, maksimumi 3 vitesh. Bazat janë të mira, janë të paktën 6-7 lojtarë për titullin. Mungojnë pak elementë”.
